ქართული საიტების ტრანსლიაცია LIVE

მოგწონთ ეს ბლოგი?

ნინა რიჩი (Nina Ricci), ბრენდის ისტორია

ნინა რიჩის (Nina Ricci) ისტორია იწყება 1932 წელს. ეს არის კლასიკური, ელეგანტური, ფრანგული სამოდელო სახლი. მარი ადელანდ ნელი, რომელიც მსოფლიომ გაიცნო როგორც ნინა რიჩი, დაიბადა 1883 წელს იტალიის ქალაქ ტურინში.
მამა – ფეხსაცმლის მკერავი, ბიზნესის განვითარების მიზნით ოჯახთან ერთად საცხოვრებლად გადავიდა მონტე–კარლოში. მაგრამ გადასვლიდან ცოტა ხანში  იგი გარდაიცვალა ისე, რომ ვერ შეძლო ოჯახისთვის დაეტოვებინა საარსებო საშუალება. 1895 წელს 12 წლის უმამოდ დარჩენილი მარი იწყებს სვლას წარმატებული კარიერისკენ.

ბავშვობიდანვე გოგონა ოცნებობს მოდური ტანსაცმლის კერვაზე. იგი ეწყობა მოსწავლედ სამკერვალო ფაბრიკაში. საკუთარი დიზაინით შექმნილი შლაპები თავიდანვე დიდ წარმატებას ჰპოვებს მოდის მიმდევარ ქალბატონებში.  14 წლის ასაკში მარი (მომავალში ნინა რიჩი), თავის უფროს დასთან და დედასთან ერთად მუშაობს გალანტერიის მაღაზიაში, საღამოს კი – სწავლობს მკერავის ხელობას.

ცოტა ხანში იგი პოულობს სამუშაოს მოდის სახლში, სადაც ახალ მისულებს აძლევდნენ გაუთოვების, ღილების დაკერების და წვრილმანებზე სირბილის უფლებას. ამ რთული გზის გავლის შემდეგ მარი ახერხებს გახდეს ჯერ უმცროსი მოდისტი, შემდეგ საშუალო, და ბევრი წლების შემდგომ 18 წლის ასაკში – პირველი მოდისტი. 

გარკვეული პერიოდის შემდეგ მარი ნელი ქირაობს მკერავებს, რომლებსაც აკერინებს ტანსაცმელს საკუთარი ესკიზებით. 1905 წელს მისი მოდელებით ინტერესდებიან პარიზის მსხვილი სამოდელო სახლები და აძლევენ მას მსხვილ შეკვეთებს.

ერთხელ, ავტობუსის გაჩერებაზე გოგონა შემთხვევით ხვდება ყვავილების გამყიდველს – ლუი რიჩის. ასე ხდება მარი ნელი - ნინა რიჩი (Nina Ricci).  სამწუხაროდ ეს ქორწინება არ აღმოჩნდა წარმატებული და ცოტა ხანში ნინა სცილდება მეუღლეს და რჩება  მარტო. ამის  შემდეგ იგი აგრძელებს დაუღალავად მუშაობას და განაგრძობს კარიერულ წინსვლას. ქორწინებიდან მას რჩება შვილი – რობერტი.

20–იან ქლებში ნინა რიჩი იწყებს მუშაობას მოდის სახლ რაფფინში და 10 წლის შემდეგ ხდება მისი თანამფლობელი, მაგრამ სამწუხაროდ რაღაც პერიოდის შემდეგ  სამოდელო სახლი იხურება. მიუხედავად ამისა 49 წლის ასაკში ნინა რიჩი (Nina Ricci), რომელსაც მუდმივად ამშვენებს თეთრი, მსხვილი მარგალიტი და თეთრი კადილაკი, რომლითაც იგი გადაადგილდება, თავისი ცხოვრებით ძალიან კმაყოფილია და ოცნენობს მშვიდ ცხოვრებაზე. მაგრამ, შვილი – რობერტი ითანხმებს დედას, საკუთარი სამოდელო სახლის შექმნაზე. და 1932 წელს კაპუცინების ქუჩის 20 ნომერში ჩნდება წარწერა "ნინა რიჩი".

ნინა რიჩი
ნინას მოდელები აბსოლუტურად განსხვავდება სხვა მოდელებისაგან. მას უყვარს უზორები და თბილი ფერები. ყვავილები, რომლებიც მოდელებში ფიგურირებს სხვადასხვა სახით.  რიჩის მოდელები გამოირჩევა რომანტიულობით და ზომიერი სექსუალურობით. სამოდელო სახლის ძირითადი კლიენტები არიან  მაშინდელი ბურჟუაზიული წრის წარმომადგენლები. 1939 წელს მის სამკერვალოში დასაქმებულია 450 მკერავი. 1950 წელს ნინა შორდება სამოდელო სახლის საქმეებს და გადასცემს  კომპანიას სამართავად თავის შვილს – რობერტს.

სწორედ რობერტის ხელმძღვანელობის პერიოდში სამოდელო სახლი ნინა რიჩი იქცევა იმპერიად, რომელიც გადის 130 ქვეყნის ბაზარზე. ზომიერი ფასები და ექსტრავაგანტული მოდელები სწრაფად იხვეჭს უზარმაზარ წარმატებას მთელს მსოფლიოში. 

რობერტი და ნინა
რობერტი წარმატებით ითავსებს მხატვრის და ბიზნესმენის თვისებებს. როგორც პროფესიონალი მოდის სამყაროში იგი ლოგიკურად მიდის დასკვნამდე, რომ  "ნინა რიჩის" ქალის იმიჯითვის სრულყოფილებისთვის აუცილებელია შესაფერისი არომატი, ხოლო როგორც კომერსანტი ხვდება, რომ ეს ნაბიჯი კომპანიას დამატებით შემოსავალს მოუტანს.  

1946 წელს გამოდის კომპანიის პირველი არომატი – "Соеur Joie".ორი წლის შემდეგ გამოდის " ნინა რიჩის" სუნამოL`Air du Temps, რომელსაც კომპანიისთვის მოაქვს  ძალიან დიდი წარმატება. ორივე სუნამოს ფლაკონი შექმნილია რობერტის ბავშვობის მეგობრის მარკ ლალიკის მიერ. როგორც ამბობენ  სუნამო L`Air du Temps  შეიქმნა საყვარელი ქალისათვის. დღესაც, ყველა 5 წამში ვიღაც, სადღაც ყიდულობს ამ სუნამოს თავისი საყვარელი ქალბატონისთვის.

1970 წლის 30 ნოემბერს 87 წლის ასაკში ლეგენდარული ქალბატონი ნინა რიჩი გარდაიცვალა.

1979 წელს კომპანია გადადის პარიზის ერთ–ერთ პრესტიჟულ კვარტალში მონტან ავენიუზე. კომპანიას გააჩნია საკუთარი ცენტრი პარიზთან ახლოს. მხოლოდ ეს ერთი განყოფილება ამარაგებს ნინა რიჩის სუნამოებით მთელს მსოფლიოს. ავტომატიზირებული ცენტრში არის მხოლოდ სუნამოს ჩამოსხმა ფლაკონებში. სხვა დანარჩენი სამუშაო სრულდება ხელით.

80 – იანი წლების ბოლოს იხსნება ბუტიკი მამაკაცებისთვის – Ricci Club და 1989 წელს გამოდის პირველი არომატი მამაკაცებისთვის. ამავე პერიოდში იწყება ნინა რიჩის საათების გამოშვება.

1988 წელს რობერტ რიჩი გარდაიცვალა და კომპანია გადადის ნინას შვილობილის – ჟილ ფუშის ხელში. 

1992 წელს გამოდის ნინა რიჩის კოსმეტიკის სერია. 

1998 წლის ნოემბერში ნინა რიჩი საათების წარმოების ლიცენზიას გრძელვადიანი კონტრაქტით გადასცემს შვეიცარულ კომპანიას Time Avenue SA

იმავე 1998 წელს კომპანია ერთიანდება Group Puig – თან, რომელიც მდებარეობს ბარსელონაში და არის ლიდერი სუნამოების წარმოების სფეროში ესპანეთის ბაზარზე.  

ახალი კომპანიის პრეზიდენტი ხდება 42 წლის მარიანო პუიგი (Mariano Puig). ასეთი რეფორმები ნინა რიჩისთვის საკმაოდ წარმატების მომტანი ხდება. შენარჩუნებული იქნა პროდუქციის ელეგანტურობა და გამოიკვეთა ახალი ნიუანსები თანამედროვე, აქტიური ადამიანების ყურადღების მისაქცევად.

დღევანდელ დღეს Group Puig წარმოადგენს საერთაშორისო კომპანიას რამდენიმე სავაჭრო მარკით: Paco Rabanne (პარიზი), ნინა რიჩი - Nina Ricci (პარიზი), Carolina Herrera (ნიუ–იორკი), Victorio and Lucchino (სევილია), Gal (მადრიდი), Antonio Puig (ბარსელონა).

Geronia


Blog Widget by LinkWithin

0 კომენტარი:

Post a Comment

საიტის მასალის გამოყენების შემთხვევაში აუცილებელია ლინკის მითითება.
 
 
ელ.ფოსტა: mygeronia@gmail.com